25-апрелде Бишкек убактысы боюнча саат 17:00 «Жамааттык ЖМКлар- интернет байланышы начар шарттардагы жаңы маалымат каналы» деген темада вебинар өткөрүлөт.

2007-жылдан баштап Кыргызстанда Жамааттык ЖМКлар өз өнүгүүсүн баштады. Алар Кыргызстандын эң алыскы аймактарындагы маалыматка жетүүнү жакшыртып, жергиликтүү бийликтин иши жана айылда болуп жаткан окуяларды тастыкталган жана обьективдүү түрдө элге таратууну колго алышкан.

Жамааттык ЖМКлар айыл тургундарын түйшөлткөн суроолорду жана көйгөйлөрдү алып чыгып, аймактарда күнүгө болуп жаткан жаңылыктарды жайылтып келет. Бул жаңылыктар таза сууну коргоо, көпүрөлөрдү жана жолдорду оңдоо, электрондук китепканаларды ачуу, чыгармачыл топтор тууралуу, чет тилдерин окутуу курстарын ачуу жөнүндө болушу мүмкүн. Жамааттык ЖМКлар салттуу ЖМКлар үчүн чыгымдуу болушу мүмкүн болгон уникалдуу жаңылыктарды алып чыгат.

Жамааттык ЖМКлар жайгашкан аймактар облустун жана өлкөнүн борборунан алыс жайгашкандыгына карабастан, алардын иши жаңылык даярдагандан аны алып чыкканга чейин заманбап маалымат технологиялары менен байланыштуу.  

 Жамааттык ЖМКлардын бардыгы «Бир келбет- көптөгөн байланыш каналдары»  принциби менен иштешет. Алар колдонгон студиялык жабдыктар жана мобилдик тиркемелер- начар интернет байланышы үчүн жеткиликтүү жана жөнөкөй.